Известување за нова услуга на НЛБ Тутунска брокер – Портфолио менаџмент / Инвестиционо советување
Дозволете да Ве информирам дека НЛБ Тутунска брокер воведе нови услуги Портфолио менаџмент / Инвестиционо советување кои се наменети за финансиски моќни поединци кои сакаат штедењето на вообичаените начини да го дополнат со инвестирање во хартии од вредност, без тоа да им одзема време, а истовремено да биде направено од лица со стручно познавање на берзата (инвестициони советници, аналитичари).
НЛБ Тутунска брокер со овој вид на инвестирање Ви овозможува:
- Формирање на ефикасен збир на инвестиции (лично портфолио) со цел во што поголема мера да се избегне преземањето на непотребен ризик, а да се оптимизира профитот.
- Професионално управување со средствата.
- Тековно известување за случувањата со личното портфолио и за случувањата на берзата.
- Бесплатни консултантски услуги од областа на инвестирањето во хартии од вредност.
- Можност да се повлечат сите средства и да се добијат во ликвидна форма најдоцна во рок од триесет дена по приемот на барањето.
Доколку сте заинтересирани, можеме да договориме информативен состанок на кој ќе Ви укажаме за предностите и ризиците од ваквиот начин на инвестирање и воедно ќе Ви дадеме одговор на сите Ваши прашања околу новата услуга.
Драги Тасевски,
Извршен Директор
НЛБ Тутунска брокер АД Скопје
